Дуучин Селена Гомес саяхан “Teen Vogue” сэтгүүлд зургаа авахуулан, ярилцлага өгсөн байна. Өсвөр насандаа нэрд гарч, 20 хүрээгүй байхдаа саяын хөрөнгөтэй болсон дуучин бүсгүй өөрийгөө азтайд тооцдог гэнэ.
Шүтэн бишрэгчид нь Жастин Бибер, Селена Гомес нарын үерхлийг хурим болоосой гэж хүсдэг ч Селена огт өөр зүйл ярьсан гэнэ. Жастин Бибер тэр хоёрын хайр сэтгэл тэгтлээ гүнзгийрээгүй, хамтдаа байхад хөгжилтэй байдаг гэжээ. Жил гаруй болзож байгаа Жастин Бибер, Селена Гомес нарын харилцаа ээдрээтэй байдаг тухай шар хэвлэлээр бичдэг. Магадгүй Селена одоо Жастин Биберээс харилцаагаа таслах бодолтой ч байж мэдэх юм.
Селена брэндийн хувцас сонирхдоггүй гэнэ. Учир нь ихэнх брэндүүд өөрсдийн хувцсыг хэт өндөр үнэлдэг нь ерөөсөө ч таалагддаггүй хэмээн хэлсэн байна. Зөвхөн ганц подвалкийг 350 ам.доллараар хэзээ ч худалдан авахгүй гэжээ.
Дуучин бүсгүй Жастин Тимберлейкийг шүтдэг тухайгаа сэтгүүлчид хэлсэн байна. “Хэрвээ түүнийг надтай хамтран дуулахыг зөвшөөрвөл би баярласандаа солиорох байх. Даан ч тэр хэзээ ч надтай хамтран дуулахыг зөвшөөрөхгүй гэж би бодож байна. Би Жастин Тимберлейкийн дууг сонсох хичнээн дуртай гээч” хэмээн Селена ярьсан аж.
 |
 |
 |
 |
 |
