Лондоны олимпийн боксын эрэгтэйчүүдийн 52 кг-ын жинд Монгол Улсын гавьяат тамирчин Н.Төгсцогт Италийн боксчин Винцензо Пикардитай тулалдаж 17:16-ын харьцаагаар ялалт байгуулснаар шөвгийн наймд шалгарлаа.
Ингэснээр манай боксчин Узбекстаны боксчин 20 настай Жасурбе Латиповтой шөвгийн дөрвийн төлөө энэ сарын 10-нд тулалдах юм.
Н.Төгсцогтын итали өрсөлдөгч нь 1983 онд мэндэлсэн. Тэрбээр Бээжингийн олимпоос хүрэл, 2007 онд Чикагод болсон дэлхийн аваргаас хүрэл медаль хүртсэн байна. Мөн Винцензо Пикарди сүүлийн хоёр жилд Европын аварга шалгаруулах тэмцээний хошой хүрэл медальтан аж.
