“Булсара” хамтлагийн ахлагч Ж.Тамираа өнгөрсөн амралтын өдөр “Монгол шилтгээн”-д болсон “Playtime 2012” наадамд шинэ хамтлагийнхны хамт оролцов. Ж.Тамираа “Tiger fish” хэмээх өвөрмөц нэртэй хамтлагтай сүүлийн нэг жилийн турш хамтран ажиллаж байгаа юм. Үүнийг хөгжим сонирхогчид “Булсара” тарсан мэтээр ойлгосон Ж.Тамираа “Хамтлагаасаа гараагүй” гэдгээ тайлбарлав.
“Tiger fish” хамтлагийг тэрбээр “Шөнийн галт тэрэг” хамтлагийн соло гитарчин байсан Г.Зандхүүгийн хамт тус хамтлагийг байгуулсан бөгөөд Зандаа хамтлагийн ахлагч нь гэнэ. Тэд Хавай арлаас гаралтай юүкүлэлэ гэдэг хөгжимтэй хамтлаг байгуулахаар гурав, дөрвөн жилийн өмнөөс ярилцаж байсан нь ийнхүү биеллээ олсон бололтой. Одоогоор тус хамтлаг гадны уран бүтээлчдийн дууг дуулж байгаа ч цаашид өөрсдийн бие даасан уран бүтээлээрээ бэлэг барихаар зэхээд байгаа гэнэ.
Г.Даша
