Дуучин Мадонна мягмар гарагт Москва хотод тоглосон концертын үеэрээ Оросын “Pussy Riot” хамтлагийн нэрийг ар нуруун дээрээ бичсэн тухай ВВС бичлээ.
“Pussy Riot” хамтлагт шашныг үзэн ядах үзлийг өдөөсөн хэргээр прокуророос гурван жилийн ял оноогоод байгаа юм. Хамтлагийн гурван эмэгтэй дуучин ОХУ-ын Ерөнхийлөгч В.Путиныг дайрч давшилсан дууг өнгөрсөн хоёрдугаар сарын 21-нд Москва хотын нэгэн том сүмд дуулсан нь хэрэг мандаасан аж. Гэхдээ шүүх хурал энэ сарын 17-нд болно.
Оросод тоглолтоо хийхийн өмнө Мадонна “Pussy Riot” хамтлагийг дэмжиж байгаагаа хэлж байсан юм.
М.ДАВАА
