Жүжигчин Эштон Катчер, Мила Кунис нар сүүлийн нэг сарын хугацаанд олны анхаарлын төвд байгаа гэхэд хилсдэхгүй. Тэднийг хөл гишгэх бүрийг папарациуд хором алдалгүй дагасаар зөвхөн найз нөхдийн харилцаатай гэсэн мэдэгдлийг нь няцааж дотно харилцаатай гэдгийг баталж чадсан юм.Тэднийг тойрсон элдэв хов жив намжих төлөвгүй байна. Сүүлийн үед тэднийг хүүхэдтэй болохоор төлөвлөж байна гэсэн яриа олныг шуугиулж эхэллээ. Жил гаруйн хугацаанд үргэлжилсэн тэдний нууц харьцаа ил болоод удаагүй байхад ийм хов жив гарсан нь ихэнх хүмүүсийг худлаа гэсэн бодолд илүүтэй хөтлөж байгаа байх. Америкийн нэгэн сэтгүүлд өгсөн Эштоны найзын ярилцлагад “Эштон эцэг болох биологийн нас нь болсон гэж үзэж байгаа. Тэр аль жилийн өмнөөс л хүүхэдтэй болох тухай ярьж эхэлсэн. Гэхдээ магадгүй Дэмигийн нас түүнд саад болсон байж болох юм” гэжээ. Эштон аав болохыг хүсч байж болох юм. Харин Мила ямар бодолтой байгаа нь тодорхойгүй байна. Эштон өдгөө 34 настай бол Мила дөнгөж 28 хүрч байгаа юм.
