“Үүрийн гэгээ” киноны од Кристен Стевард найз залуу Роберт Патенсоноо хуурч, “Цасан гоо ба анчин” киноныхоонайруулагч Рүперт Сандерстай нэр холбогдож олныг шуугиулаад авсан. Харин Роб сэтгэл санаагаар унаж, гэртээ бүгэх болсон бөгөөд, Кристентай хамт амьдрах байшингаа хүртэл худалдаж аваад байсан тухай хэвлэлээр бичиж байна. Тэрбээр Кристений тухай багын хайр Нина Шубертдаа сэтгэлээ уудлан ярьсан гэнэ. “Роб, Нина хоёр хамтдаа өсч, том болсон гэж хэлж болно. Гэхдээ тэдний харьцаа Робыг Лос Анжелест ажиллах болсноос хойш дуусгавар болсон юм. Харин сүүлийн хоёр долоо хоногийн турш бүх зүйл өөр байгаа. Роб Нина руу шөнийн 02.00 цагт залгаж Кристен, Рүперт хоёрын дунд юу болж байгааг анзааралгүй өөрийгөө ямар тэнэг юм бэ гэсэн байна. Харин Нина түүнийг сонсож, шууд салах шийдвэр битгий гаргаарай гэсэн зөвлөгөө өгөөд, бүх зүйлийг цаг хугацаа харуулна гэж хэлсэн” хэмээн тэдний дотны найз нэгэн сэтгүүлд өгсөн ярилцлагадаа хэлжээ. Үүнээс гадна Рүпэрт Сандерсын эхнэр, түүний хоёр хүүхдийн эх Либерти Рос өнгөрсөн мягмар гарагт Лос Анжелес хотноо ирж өөрийн өмгөөлөгчтэйгөө уулзсан байна. Тэрбээр эл дуулиан шуугианд ихэд эргэлзэнгүй байгаа бөгөөд түүний ойрын эх сурвалжийн хэлснээр Рос нөхрөөсөө салахыг огт хүсэхгүй байгаа аж.
Б.Ууганчимэг
