Нэрт кино жүжигчин, Америкийн Калифорни мужийн экс амбан захирагч Арнольд Шварценеггер уржигдар өөрийн эх нутаг болох Австри улсад амьдралынхаа тухай өгүүлсэн баримтат киноны зураг авалтыг эхлүүлжээ.
“Арнольдын зам мөрөөр” гэдэг нэртэй баримтат киноны зураг авалтыг Америкийн телевизийн CBS суваг зохион байгуулж байгаа бөгөөд дэлхий даяар алдаршсан жүжигчин, экс амбан захирагчийн мэндэлсэн байшин дотор зураг авалтыг хийж эхлэв.
Мөн Грац хотын кинотеатрт зураг авалтыг хийх аж. Энд Шварценеггер өөрийн тоглосон анхны Холливудын кинонуудаа үзэж байжээ. Грац хотод тэрбээр 1965 оны аравдугаар сараас 1966 оны зургаадугаар сар хүртэл цэргийн алба хаахдаа танк жолооддог байжээ.
Тэнд тэрбээр очиж алба хаасан залуустайгаа уулзалдах бодолтой байна. Ангийн удирдлага түүнд шинэ цэргийн техникээ үзүүлж, жолоодохыг зөвшөөрөх гэнэ. Дараа нь Арнольд сэтгүүлчдийг дагуулан өөрийн гэр музейд зочлох аж.
