Манай бөх энэ онд болсон олимпийн эрх авах тэмцээний мөнгө, Монголд болсон нээлттэй тэмцээний хүрэл медальтай. Харин Дато Марсагишвили өнгөрсөн онд Станбулд болсон дэлхийн аваргаас хүрэл, өнгөрсөн оны Европын аваргын мөнгө, энэ онд Бельградын Европын аваргын алтан медальтай аж.
Мөн өнөөдөр чөлөөт бөхийн эрэгтэйчүүдийн 120 кг-ын жинд Ж.Чулуунбат шөвгийн наймын төлөө Сенегалын бөх Малал Ндиаетай 21.12 цагт барилдана. Манай бөх эхний тойрогтоо гоц мөргөсөн юм.
Ж.Чулуунбат 2008, 2011, 2012 оны Азийн аваргын хүрэл, 2010 онд Азийн наадмын мөнгө, энэ онд болсон Монголын нээлттэй тэмцээний аварга юм.
