Энэ мэдээ Анистонтой холбоотой сүүлийн үеийн мэдээнүүдээс хамгийн сайхан мэдээ гэж түүний фенүүд хэлж байна. Энэ сарын эхээр гараад байсан Женнифер Анистон болон Жастин Терокс нар болзож эхэлжээ гэсэн дам яриа үнэний ортой байжээ. Зүгээр ч нэг болзоод зогсохгүй хосууд сүй тавьсан байна.Одоо 43 настай жүжигчин бүсгүй кино зохиолч Терокстой ийнхүү амьдралаа холбож байгаа нь олны анхаарлыг ихэд татаж байна. Анистон US Weekly сэтгүүлд “Бид бараг 18 сарын турш хосын харилцаатай байсан. Бид хамтдаа олон сайхан өдрүүдийг өнгөрүүлсэн. Цаашдаа ч энэ гайхалтай өдрүүд үргэлжлэх болно. Бид хамгийн сүүлд түүний 41 насны төрсөн өдрийг гайхалтай тэмдэглэсэн” хэмээн ярьжээ. Өнгөрсөн зургаа дугаар сард хосууд амралтаа тэмдэглэн европийн зарим хотуудаар аяласан байна. Тэд нэг хоногийн 3750 ам.долларын үнэтэй зочид буудалд байрлан, үзэсглэнтэй далайн эргээр зугаалж нэг долоо хоногийн туршид 17 мянга 555 ам.доллараар усан онгоц түрээслэн зугаалжээ. Тэд өнгөрөсөн зургаа дугаар сарын 10 хүртэл Парист байрласан бол дараах өдрүүдэд нь Ромоор аяласн гэнэ.
Жастины хувьд анхны гэрлэлт нь болох бол Анистоны хувьд хоёр дахь гэрлэлт нь болж байгаа юм. Тэрээр өмнө нь жүжигчин Брэд Питтэй гэрлэж байсан юм. Тэд 2000-2005 онд хамт амьдарсан бөгөөд хосуудын амьдрал дуусгавар болмогц Брэд Пит жүжигчин Анжелина Жолитой гэрлэсэн юм.
Э. Мөнх
