Хийлч О.Байгал энэ намар анхны бие даасан тоглолтоо хийх гэж байна. Тэрбээр өнгөрсөн зунаас эхлэн тоглолтын бэлтгэл ажилдаа орсон бөгөөд одоогоор тоглолтын бэлтгэл бүрэн хангагдаад байгаа ажээ. Энэ сарын 27-нд Дуурь бүжгийн эрдмийн театрт тоглолт нь болох бөгөөд энэ талаар хийлч О.Байгаль хэлэхдээ “Миний хувьд 18 дахь жилдээ хийл тоглож байна. Би анхны бие даасан тоглолтоороо дэлхийн сонгодог зохиолуудыг тоглохоор бэлтгэж байна.
Нөгөө талаас мэргэжлийн уран бүтээлчийн хувьд хөгжлийн том алхам байх болов уу” хэмээжээ. Хийлч О.Байгаль нь Хөгжим бүжгийн коллеж, СУИС-ийг гоцлол хөгжимчин, хийлч мэргэжлээр төгсч, СЭЗДС-; “Сонгодог урлагийн менежментийг боловсронгуй болгох нь” сэдвээр бизнесын удирдлагын магистрын зэрэг хамгаалсан чамгүй авъаслаг нэгэн ажээ.
