Хип хоп дуучин Quiza-гийн шинэ цомог тун удахгүй сонсогчдод хүрэх бололтой.
“Дунд голын дугуйлан” гэх этгээд нэртэй уг цомогт “Best friends”, “Хүртсэнээрээ амьдарья”, “Тусгаар тогтнол чамайг тунхаглан бичье” зэрэг 13 дуу багтсан бөгөөд бичлэгийн ажил нь дууссан аж.
Хэвлэлтэд явахад бэлэн болсон уг цомгийг “Рro Sound” студид хийж, хөгжмийн найруулагчаар нь “Нэгүн” хамтлагийн А.Одбаяр ажиллажээ. Харин дуучин залуу цомгоо хэвлэлтээс гарсны дараа багахан хэмжээний тоглолт хийж, уран бүтээлээ тайлагнах юм байх.
Тэрбээр өнгөрсөн хавар мөн “Нэгэн зүгт” хамтлагийнхантай цуг “Facebook” дууг дуулсан билээ.
Р.Есүй
