Хүн төрөлхтний эв нэгдлийн наадам “Лондон 2012” зуны олимпийн хаалтын ажиллагаанд үзэгчдийн нүдийг булааж сэтгэлийг татах олон гайхшрал байсны нэг нь яах аргагүй “Spice Girls” хамтлаг байлаа.
Нэгэнт цагт өөрсдийн өвөрмөц дуу хоолой, өнгө төрхөөрөө дэлхийг байлдан дагуулж явсан охидууд сая сая үзэгчдийн сэтгэлийг үнэхээр хөдөлгөж чадсан байна.
Тэд шүтэн бишрэгчдийнхээ сайн мэдэх Wannabe дуугаа дуулав. Милани Чисхолм, Эмма Бантон, Мелани Браун, Виктория Бэкхэм, Жери Холлиуэлл нарын хамтлагийн охид энэхүү дуун дээрээ эрч хүчтэй бүжгийн гайхамшгийг мөн үзүүллээ.
Хаалтын ажиллагаанд тэдний дуулсан дараагийн дуу бол хит болж байсан алдарт Spice Up Your Life дуу нь байсан юм. Тус хамтлагийнхан өөрсдийн сэтгэгдлээсээ хуваалцан Twitter хуудсандаа “Маш их баяраллаа, дэлхийн түүхэн, гайхамшигт үйл явдлыг дэлхийн өнцөг булан бүрээс ирсэн олон мянган шүтэн бишрэгчидтэйгээ хамтдаа хуваалцсанд баяртай байна” хэмээн бичжээ.
Гэрэл зургийг ЭНД дарж үзнэ үү
Э.Анхтуяа
