Дэлхийн хамгийн том чөлөөт нэвтэрхий толь, мэдлэгийн сан болсон Википедиа жил ирэх тусам хөгжиж, уншигчдийн тоо нь өссөөр байгаа билээ.Харин саяхан Википедиа нэгэн сонирхолтой судалгаа явуулсан байна. Судалгааны үр дүнд Википедиа нийт 17 орчим сая мэдээ оруулагч, нийтлэгчтэй болсон ба түүний ердөө 9 хувь буюу 1.5 сая нь эмэгтэйчүүд болох нь тогтоогдсон байна. Үлдсэн 15.5 сая нь бүгд эрчүүд аж.
Харин сайтын уншигчдийн хүйсийн харьцаа 50/50 хувь буюу эрэгтэй, эмэгтэйчүүд эн тэнцүү байдаг байна. Тэд энэхүү тоон үзүүлэлт нь эрчүүд эмэгтэйчүүдээс илүү мэдээлэл засдаг болохыг харуулж байна хэмээн үзэж байгаа ажээ. Мөн эмэгтэйчүүд “Хүмүүс” болон “Соёл урлаг” гэсэн ангилалд түлхүү мэдээлэл оруулдаг нь энэхүү судалгаагаар тогтоогджээ.
