-Яг одоо юу хийж байна вэ?
-Гэрээ цэвэрлэж байна. Өөдлөх айл үүднээсээ гэдэг. Тиймээс аль болох эрт босч гэрээ цэвэрлээд ажилдаа явдаг.
-Та эртэч хүн үү?
-Өнөө өглөө есөн цагт сэрсэн. Бороо ороод оройтож бослоо. Ер нь эртэч хүн шүү.
-Бие даан уран бүтээл хийгээд багагүй хугацаа өнгөрлөө. Одоо фэнүүддээ ямар дуугаар бэлэг барих гэж байна?
-Шинэ дуу бичүүлж байгаа. Гэхдээ нэр, жанрыг нь нууцалмаар байна. Ерөнхийдөө поп төрлийн дуу бий. Энэ уран бүтээлээ олны танил дуучинтай хамтран дуулсан. Бүжигтэй, цоглог хэмнэлтэй болохоор хүмүүст таалагдана гэдэгт итгэлтэй байна.
-“Sound of kiss” хамтлаг одоо ямар уран бүтээл дээр ажиллаж байгаа вэ?
-Хамтлагийн охид ээж болсон. Одоогоор хамтран уран бүтээл хийхгүй. Хувь хувийнхаа албыг хашиж байна. Манай Номин Солонгост сурдаг. Харин Золоо ээж болсон. Хамтлагийн ахлагч Уянга Швейцарьт амьдарч байгаа. Чэмка маань “Honeymoon” хамтлагийн гишүүн болсон.
-Таныг жүжигчний мэргэжлээр сурч байгаа гэж сонссон?
-Би “Сити” дээд сургуулийн жүжигчний хоёрдугаар ангид сурдаг. Багаасаа л жүжигчин болно гэж мөрөөддөг байсан хүсэл минь намайг энэ мэргэжил рүү хөтөлсөн. Жүжигчний мэргэжил хэцүү ч хүнд аз жаргал бэлэглэдэг. Бүх дүрд хувирч, амьдардаг болохоор хамгийн сайхан мэргэжил юм. Цаашдаа жүжигчнийхээ мэргэжлээр ажиллах бодолтой байгаа.
-“New face” наадамд оролцож топ моделиор шалгарч байсан туршлагатай. Энэ чиглэлээрээ ажиллах бодол бий юу?
-2006 оны “New face” наадмын топ моделиор шалгарч байсан. Харин одоо өөр хүсэл мөрөөдлөө биелүүлэхийн төлөө сурч байна. Тиймээс загварын чиглэлээр ажиллахгүй.
Б.Сэлэнгэ
