Өнгөрсөн өвлийн турш “Монгол Улсын гавьяат жүжигчик Л. Чаминчулуун Өвөрмонголд амьдрахаар боллоо” хэмээн хэвлэл мэдээллийн хэрэгслээр шуугисан.
Түүнийг Өвөрмонголын өөртөө засах орны Хөххотод таван жилийн хугацаатай амьдрах болсон хэмээн эх сурвалжууд мэдээлж байсан билээ.
Гавьяат маань Өвөрмонголыг зургаадугаар сард зорьсон бөгөөд наадмын дараа эх орондоо иржээ. Л. Чаминчулуун энэ тухайгаа “Би жил бүр Хөххотод очиж, хичээл заадаг. Тэр ажлаараа сар хэртэй яваад ирлээ” хэмээн ярив.
Тэрбээр одоо Хужиртад амарч, биеэ сувилж буй. Тиймээс энэ сард хийхээр төлөвлөж байсан уран бүтээлийн тайлан тоглолтоо цөөн хоногоор хойшлуулжээ. Л. Чаминчулуун амралтаас ирмэгцээ тоглолтынхоо бэлтгэлд орох бөгөөд ес, аравдугаар сард хоёр ч тоглолт, уран уншлагын нэг тэмцээн зохион байгуулахаар төлөвлөж байгаа гэнэ.
