Өнөөдөр 20.00 цагаас залууст зориулсан үнэгүй кино гаргана

Үндэсний соёл амралтын хүрээлэнгийн задгай талбайд өнөөдөр 20.00 цагаас залууст зориулсан үнэгүй кино гарах гэж байна. ҮСАХ буюу бидний нэрлэж заншсан хүүхдийн парк "Алтан хальс" холбоотой хамтран долоо хоног бүрийн Пүрэв гарагийн орой ийнхүү задгай талбайд үнэ төлбөргүй кино гаргаж байгаа аж “Алтан хальс” холбоо нь 2009 оноос хойш сонгодог, арт хаус киног олон нийтэд түгээх, сурталчлах, бүтээх чиглэлээр үйл ажиллагаа явуулж буй төрийн бус байгууллага юм. Тус холбоо нь 2009 оноос хойш “Dreamers’ Day” долоо хоног бүрийн арт хаус кино өдөрлөгийг зохион байгуулж байна. “Dreamers’ Day” нь дэлхийн сор болсон шилдэг найруулагчийн шилдэг бөгөөд ховор, өмнө нь Монголын үзэгчдэд хүрч байгаагүй бүтээлийг сонгон Монгол хадмал орчуулгатайгаар үнэ төлбөргүй кино сонирхогчдод зориулсан долоо хоног тутмын өдөрлөг бөгөөд ҮСАХ, “Алтан хальс” холбооноос 10 дугаар сарыг дуустал зохион байгуулагдах юм байна.

Энэ долоо хоногийн онцлох кино буюу өнөөдрийн гарах кино нь “Шуугианы эгшиг” юм. Энэхүү кинонд эзэнгүй айлд орсон зургаан залуугийн талаар гарах бөгөөд найруулагч нь залуусын амьдралыг онц сонирхолтойгоор харуулжээ.

Н.НОМИН