Холливудын нэрт жүжигчин Силвестер Сталлонегийн найруулсан “Expendables” кино дэлхий нийтийг догдлуулсан билээ. Тэгвэл уг бүтээлийн хоёрдугаар анги өнөөдөр буюу 17-ний өдөр дэлхий даяар гарах ажээ. Олон супер одыг нэг дор цуглуулж чадсан уг кино багагүй саад бэрхшээлтэй тулгарсан ч товлогдсон өдрөө дэлгэцэнд гарахаар болжээ. Кинонд тоглож буй оддын нас нэлээд дээр гарсан байдал нь зураг авалтад нөлөөлөхөөс гадна бэлтгэл сургуулилт, бэртэл гэмтэл гээд олон тотгортой учирсан.
Хамгийн сүүлд л гэхэд киноны гол хүн Силвестерийн Сталлонегийн хайртай хүү нь мансууруулах бодис хэтрүүлэн хэрэглэсний улмаас амиа алдсан ба энэ нь супер одод хүнд цохилт болсон юм. “Expendables 2”-т өмнөх ангид тоглож байсан жүжигчдээс гадна Ван Дамм, Чак Норрис нэмэгдэж тоглох аж. Түүнчлэн нэгдүгээр ангид жижигхэн дүр бүтээсэн Арнольд Шварценеггер энэ удаад арай илүү үүрэг гүйцэтгэх юм байна.
Э.Төгс
