Сумоч Батбаярын эхнэр болсноос хойш бараг тайзан дээр гараагүй дуучин бүсгүй маань өнгөрсөн сонгуулиар Ховд аймагт очин нөхрийнхөө сурталчилгааг хийжээ. Тэдний сурталчилгаа тун өвөрмөц байсан гэнэ. Уулзалтыг Батбаяр нээж, харин хаалтыг нь түүний эхнэр дуучин Баясгалан хийдэг байжээ. Гавьяат дуучин маань Ховдынхонд “Манай нөхрийг заавал сонгоно шүү. Баруун гарын баталгаа, зүүн гарын зөвлөгөө, за таслая таслая хэмээн ам авдаг гэнэ. Бас болоогүй хэрвээ манай нөхрийг сонгохгүй бол миний хөх хавдана шүү. Нэгэнт та нар манай нөхрийг сонгоно гээд надад баталчихсан учраас заавал сонгоорой. Би хөхүүл хүүхэдтэй Монгол бүсгүй учир миний хөх хавдана шүү. Тиймээс манай нөхрийг сонгоорой” хэмээн рекламджээ. Нөхрөө даган сурталчилгаа хийхээр ирсэн гавьяат дуучнаас Ховдынхон ганц дуу дуулж өгөхийг хүсэхэд “Тэгж ч сонгуулийн хууль зөрчихгүй шүү. Хэрвээ та нар манай нөхрийг сонгочих юм бол дараа нь дуулж өгнө” хэмээн намба алдаж явсан тухай Ховдынхон одоо хүртэл ярьсаар… Тэр ч бүү хэл хот орон газраас хүн ирвэл “Дуучин Баясгалангийн хөх нь хавдсан байх. Бие нь хэр байна” хэмээн нутгийн хөгшид хүртэл асуудаг болсон гэнэ.Ц.Хан-Хөхий
