“Өөрчлөлтийн төлөөх залуу эмэгтэйчүүд” клуб нь Монголд анх удаа “The Vagina Monologues” хэмээх хандивын жүжгийг өнгөрсөн онд тоглосон нь үзэгчдэд таалагдсан. Тиймээс дахин нэг удаа үзэгчдийн хүсэлтээр энэ сарын 31, ирэх дөрөвдүгээр сарын 1-нд хоёр өдөр Улсын филармонид “Үтрээний хүүрнэл” жүжгийг тоглох гэж байна. Энэ жүжигт дан сайн дурын эмэгтэйчүүд тоглосон гэдгээрээ онцлог юм.
“The Vagina Monologues” буюу “Үтрээний хүүрнэл” жүжиг нь эмэгтэйчүүдийн амсч, туулсан учир битүүлэг, хөгжилтэй, шаналал зовиуртай, хүчтэй, ухаалаг, жигшиж зэвүүцмээр, сэтгэл догдлуулсан үйл явдлуудын гүнд үзэгчдийг аваачих юм. Жүжгийн найруулагчаар Канад улсын иргэн Sharon Goldhawk, Т.Алтантуяа нар ажиллажээ.
“Үтрээний хүүрнэл” эргэн ирлээ, үзэж амжаагүй бол заавал үзэх жүжгийн нэг гэдгийг дуулгая.
