Драмын театрын тайзнаа гуравдугаар сарын 1-нд нээлтээ хийсэн Оросын нэрт зохиолч А.Гельманы зохиол “Цэцэрлэгт учирсан хоёр” мелодрам жүжгийн гол дүрүүдэд Соёлын тэргүүний ажилтан, жүжигчин С.Болд-Эрдэнэ, Д.Ганцэцэг нар тоглосон бөгөөд Найруулагчаар нь Соёлын тэргүүний ажилтан Н.Наранбаатар ажиллажээ.
Хоёр хүний драм бүхий эл жүжигт өнөөгийн нийгэмд тулгамдаад буй хүний сайхан сэтгэл, хүн хүндээ хандах хандлагагыг илүүтэй харуулсаар байгаа бөгөөд эр хүний ноён нуруун дээр амьдрал тогтдог ч эмэгтэй хүний тэсвэр, тэвчээр гэдэг агуу зүйл хайр дурлалыг хэрхэн цэцэглүүлдгийг үзүүлсээр байгаа юм. Жүжгийн тайзнаа амилуулахад соёл урлагийг дэмжигч “Төгөлдөр” сан ерөнхий ивээн тэтгэгчээр ажиллажээ.
“Цэцэрлэгт учирсан хоёр” мелодрам жүжгиг гуравдугаар сарын 1-18-ны хооронд өдөр бүр 22.00 цагаас тоглогдох юм. Тасалбарын үнэ 10 мянган төгрөг бөгөөд драмын театрын кассаар борлуулж байгаа ажээ.
