Хоолойн чадал чансаагаар хамаагүй доогуур үнэлэгддэг ч гадаад байдал, сэргэлэн зангийнхаа хүчээр олонд танигдаж,“од” гэх тодотголд багтах болсон дуучин Нарагийн тухай эерэг, сөрөг олон мэдээлэл цацагддаг. Өмнө нь бараг чармай шалдан шахуу цэнхэр дэлгэцээр гарч, хээ шаагүй задгай яриатай гэж олны шүүмжлэлд нэлээд өртдөг байсан тэрээр сексийн тухай ч ярихдаа илэн далангүй “Миний хувьд секс их чухал. Үнэнийг хэлэхэд, би сексгүйгээр байж чадахгүй. Гэхдээ цаг ямагт сексийг хүсээд хайгаад явдаг гэсэн үг биш л дээ. Ер нь хүн болгон л сексгүйгээр байж чадахгүй биз дээ. Тийм ээ, сексийг зарим нэг нь хэрэглээ гэж ярьдаг. Хэрэглээд байх нь ч юу юм бэ. Өнөөдөр тэдэн цагаас эмээ уух ёстой гэдэг шиг өнөөдөр би секс хийх ёстой гэдэггүй биз дээ. Хэрэглээ талаас нь үзэхээс илүү сэтгэл чухал шүү дээ. “Миний сэрэл оргилдоо хүртэл хөдөлдөг маш боломжгүй газар байсан ч гэсэн хүсч байсан хүнтэйгзэ секс хийх үнэхээр халуухан шүү” хэмээн ярьдаг тэрбээр сүүлийн үед нэлээд томоожоод байгаа сурагтай. Японд сурч байхдаа “итгэгч” болсон дуучин маань одоо бүр өөрийн уран бүтээлийг хөсөр хаяж, Христийн сүмд хонож, өнжих нь шахуу мөргөл үйлдэх болсон гэнэ. Тэрбээр “Нэгдүгээр сүм” цуглааны хамгийн идэвхитэй итгэгч бөгөөд тус сүмийнхээ найрал дууны багийн ахлагч болсон гэнэ лээ. Тиймээс мөргөл үйлдэхийн хажуугаар найрал дуучидтайгаа байнга бэлтгэл хийж, өөрийнхөө энэ ажилд зарим уран бүтээлч найзуудаа хүртэл уруу татаад байгаа ажээ. Угийн овсгоотой сэргэлэн яриатай түүний үгэнд орж олон ч хүн тус сүмд очих болсон гэнэ лээ шүү.
