Жүжигчин Жессика Бил тун удахгүй дуучин Жастин Тимберлейктэй гэр бүл болох гэж байгаа билээ. Тэрээр нэгэн ярилцлагынхаа Жастиныг хэрхэн үнэлдэг талаараа ийнхүү ярьжээ.
ЖБ: Би өмнө нь ганц бие хижээл авхай болчихоод гоёмсог ноход, царайлаг манаачтай байна гэж яриад ээжийнхээ уурыг их хүргэдэг байлаа. Гэхдээ энэ бодлыг минь Жастин өөрчилж, намайг сэргээж өгсөн. Тэр бол байгалиас заяасан мэдрэмж, чадвартай төрсөн хүн. Тиймээс хуримын бөгжөө хүртэл надтай зөвлөлгүй авсан. Тэр бүгдийг мэддэг учираас тэр. Өглөө сэрээд би хамаагүй хувцаслаад гарах гэхээр Жастин толгой сэгсрээд надад хувцас сонгож өгдөг. Түүний л зөв байдаг…. гэжээ.
Мөн сэтгүүлчийн асуусан “Та түүнд уурладаггүй гэж үү? Тэр таниас салаад их олон эмэгтэйтэй нэр холбогдсон. Гэрлэнэ гэдэгтээ итгэлтэй байна уу?” гэсэн асуултад:
ЖБ: би их итгэмтгий хүн. Надад харагдаж, мэдрэгдэхээр муу зүйл болохоос нааш би түүнд итгэсээр л байх болно. Жастин үргэлж намайг инээлгэж байдаг. Бас үргэлж надад цаг гаргадаг. Гэрлэснийхээ дараа ч ийм байна гэдэгт итгэлтэй байна. Жастин багасаа ээжтэйгээ өссөн учираас ээждээ таалсан эмэгтэйтэй хамт байхыг илүүд үздэг… хэмээн хариулжээ.
