 Барууны нэрд гарсан залуухан оддын нэг Жастин Бейбэр тун энэрэнгүй сэтгэлтэй залуу гэдгээ харууллаа. Учир нь тэр төлөвлөсөн ярилцлагаа хойшлуулан байж буяны үйл хийсэн гэнэ. Тэрээр Маттелын нэрэмжит хүүхдийн эмнэлэгт 75,000 доллар хандивласан байна. Гэхдээ зүгээр ч нэг хандивласангүй, эмнэлгийн зарим хэсэгт засвар хийж, өвчтэй хүүхдүүдэд зориулан ханан дээр гоёмсог зураг зурж өгчээ.
Энэ тухай эх сурвалжийн ярьснаар: Жастин уг хандиваа бэлэн мөнгөөр хийсэн гэнэ. Залуу дуучны хувийн менежер “Жастин их өгөөмөр хүн, хэрэгтэй гэвэл өөрт байгаа бүхнээ хэн нэгэнд өгчих гээд байдаг. Энэ нь нэг талаараа түүний сул тал болох байх” хэмээн хэлжээ.
Жастин анх удаа хандив өгч байгаа хэрэг биш. Тэрээр өнгөрсөн жил Валентины баяр болон Халливуны баяраар эмнэлгүүдэд зочилж, цөөнгүй өвчтөнд хувийн зүгээс бэлэг сэлт гардуулан, туслалцаа үзүүлж байсан юм.
Түүнчлэн кино үзвэр болон театрт очих боломжгүй хэвтрийн өвчтөнүүдэд тэргэнцэр, зөөврийн кино театрт зэргийг бэлэглэж байсан ажээ. Мөн өнгөрөгч зул сарын баяраар нийт 500,000 долларыг буяны үйл ажиллагаанд зориулсан байна. Мөн Канадын Хүүхдийн хандивын санд төлбөрийн чекээр ихээхэн хэмжээний мөнгө шилжүүлж байсан бол Лас Вегасын дунд сургуульд зочлохдоо бяцхан сурагчдад 100,000 долларын бэлэг сэлт авч очиж байжээ.
Энэ бүхнээс харахад Холливудын хамгийн өгөөмөр, хандивлагч хос гэгддэг Брэд Питт, Жоли нар ширүүхэн өрсөлдөгчтэй болсон бололтой. Ямартаа ч өгөөмөр нинжин сэтгэлтэй Жастины буяны хандив жинхэнэ туслалцаа хэрэгтэй хүмүүст хүрэх болтугай. |
