Барбадосын гүнж хэмээгддэг дуучин Рианна өнгөрсөн долоо хоногт Опрагийн тусгай дугаарын шоунд оролцож, Барбадос дахь гэртээ хүлээн авсан билээ.
Хурц шийдэмгий, эрч хүчтэй бүсгүй маань гэхдээ энэ удаад өөрийн эмзэг зөөлөн талаа харуулсан байна. Тэрээр маш энгийн, үнэн сэтгэлийн яриа өрнүүлж шуугиантайгаар салсан найз залуу Крис Брауны талаар ч бүхнийг ярьжээ.
Тэд 2009 онд Греммийн шагнал гардуулах ёслолын үеэр муудалцаж, Крис Рианнад гар хүрснээр салсан билээ. Гэхдээ Рианна одоо тэр хэрэгтэй холбоотой сөрөг зүйлсийг мартаж, уучилсан гэнэ. Одоо тэд найзуудын харилцаатай болсон боловч одоо ч түүнд хайртай хэвээрээ, харахаараа догдолж үүнийгээ нуух хэрэгтэй байдгаа дуучин бүсгүй илэн далангүй ярьсан байна. Гэхдээ тэрээр Крис Брауны найз охинтой гэдгийг онцолсон юм.
Рианна мөн Опраг орчин тойронтойгоо танилцуулж, өдрийг сайхан өнгөрүүлжээ.
