Далайн эргийн үзэсгэлэнтэй хотод “Sunrisе” байрладаг аж. 37 настай дуучин бүсгүй тус улсад ажил хэргийн зорилгоор ирсэн байна. Тэрбээр саяхан хувийнхаа бизнесийн талаар чухал хүмүүстэй уулзсан тухайгаа хэвлэлд өгсөн ярилцлагадаа дурджээ.
Лондоны олимпийн хаалтын ёслолын үеэр “Spice Girls” хамтлагийнхан дуулсан нь үзэгчдэд барьсан гайхалтай бэлэг болсон юм. Мелани Браун энэ тухай “Sun” сонинд өгсөн ярилцлагадаа “Сэтгэл хөөрлөө барьж чадахгүй, дуулсны дараа дахин тоглохыг хүсэж байсан. Гэхдээ бид цомог гаргах тухай ярилцаагүй байгаа” гэжээ.
Энэ оны арванхоёрдугаар сарын 11-нд Лондоны Пиккадилли театрт “Viva Forever” мюзиклийн нээлт болно. Мюзиклд тус хамтлагийн үе үеийн шилдэг бүтээлүүд тайзнаа амилна. Мелани Браун ирэх сарын эхээр мюзиклийн бэлтгэл ажилтай хамтлагийн гишүүдийн хамтаар очиж танилцах юм.
