Оросын панк хамтлаг “Pussy Riot”-ын гурван гишүүнд шашныг үл хүндэтгэн, доромжилсон хэргээр тус бүр хоёр жилийн хорих ял оноосон тухай “Новости” мэдээлжээ.
Марина Алехина, Екатерина Самуцевич, Надежда Толоконникова нарын өмгөөлөгч тэдэнд тэнсэн харгалзах ял оноохыг хүсэж байсан ч шүүгч хүлээж авсангүй. Өмгөөлөгчид Москвагийн Хамовникийн шүүхээс гаргасан уг шийдвэрийг давж заалдахаа мэдэгдээд буй. Хамтлагийн гишүүд үзэн ядалт, дайсагнал үүсгэх зорилгоор танхайрч, сүсэгтэн олныг доромжилсон хэмээн шүүгч онцолжээ. “Pussy Riot” хамтлагийн зохиосон арга хэмжээнүүдийн талаар гаднын хэвлэлүүдэд бичиж, тэдэнд туслахыг уриалж байна. Түүнээс гадна дуучин Мадонна, Пол МакКартни, Бьёрк, Питер Гэбриэл зэрэг гадаадын уран бүтээлчид тус хамтлагийнхныг суллахыг уриалсан юм.
Х.ОД
