Хэдхэн хоногийн өмнө элхийн гоо сайхны олимп буюу “элхийн мисс”-ийн тэмцээн ӨМӨЗО-ны Ордос хотод болж Хятадын оролцогч миссийн титмийг тэргүүндээ залсан.
Уг тэмцээнд манай улсаас Х.Баярмаа гэх бүсгүй оролцсон бөгөөд “Далайн эргийн гоо үзэсгэлэн” номинацийн шилдэг 40, “Авъяаслаг мисс” номинацийн шилдэг 15 оролцогчын нэгээр шалгарч чамлахааргүй амжилт үзүүлсэн. Х.Баярмаа нь СУИС-ыг төгссөн бөгөөд “Шилдэг өнгө” продакшны жүжигчнээр ажилладаг. Тэрбээр “Шилдэг өнгө” захирал Ц.Хүсэлбаатар, жүжигчин С.Өлзийхүү нарийн охин гэдгийг мэдэхгүй хүн ховор. Ээжтэйгээ усны дусал шиг адилхан түүнийг хүн бүр “Залуу Өлзийхүү” гэдэг юм билээ. Аав, ээжийнхээ мэргэжлийг өвлөж, жүжигчин болсон тэрбээр багаасаа л сэргэлэн адтай охин байсан гэдэг. Түүний ээж С.Өлзийхүү саяханы нэгэн ярилцлагадаа “Охиноороо бахархахын зэрэгцээ санаа зовж л байна. Манай хүнд туршлага бага, бэлдэх хугацаа ч их бага байсан. Явах болсоноо долоо хоногийн өмнө мэдсэн. Уг нь арай жоохон эрт мэдээд, бэлдэх хугацйаа нь байсан бол өндөр амжилт үзүүлэх байсан” хэмээн ярьжээ.
