Америкийн хөгжмийн ертөнцөд өөрийн гэсэн өнгө төрх өвөрмөц дуу хоолойгоороо бусдыг байлдан дагуулж чадсан дуучин Мэрайя Кэри нэгэн шинэ кинонд тоглох гэж байгаа талаараа өнөөдөр анх удаа мэдээлжээ.
Түүний тоглох шинэ кино нь “The Butler” нэртэй кино гэнэ. Өдгөө 42 настай нэрт дуучин уг кинонд тоглож эхэлсэн ч киноны талаар тодорхой мэдээлэл өгөөгүй аж. Киноны зураг авалт өнөөдөр Нью-Орлеанст үргэлжилсэн байна.
Тэрбээр энэхүү зураг авалтанд оролцохоор урт хар даашинз өмсөж толгойндоо цэнхэр өнгийн алчуур зүүсэн нь ийнхүү папарацид өртжээ. Зураг авалтынхаа дараа Мэрайя кинонд оролцон тоглож байгаа хүүхдүүдтэй халуун кофе уусан байна.
Өмнө нь тэрбээр 2001 онд Universall кино компанийн “Glitter” кинонд тоглож Golden Raspberry-ийн “Шилдэг эмэгтэй жүжигчин”-ий шагналыг хүртэж байжээ. Мөн тэрбээр найруулагч Lee Daniels-ийн “Precious” кинонд тоглож байсан ба тухайн үедээ уг кино нь ашиг орлогоороо Холливуудын нэрт жүжигчин Холли Бэрригийн тоглосон “Monster"s Ball”-ийг ардаа орхин шуугиан тарьж байсан аж.
Харин энэ удаагийн түүний тоглож байгаа шинэ кино ирэх 2013 онд нээлтээ хийх юм байна. Уг Кино АНУ-ын цагаан ордны алба тэр дундаа сүүлийн 30 жилийн хугацаан дахь тус улсын Ерөнхийлөгчийн үйлчилгээний албаны талаар өгүүлэх гэнэ.
