 |
Японы “Самрын үр” киног Монголд зохиогчийн эрхийн дагуу хүүхэд залуус, өсвөр насныхан болоод насанд хүрэгчид үзүүлэхээр болжээ. Эл киногоор хөгжлийн бэрхшээлтэй хүмүүст тулгардаг асуудал, бэрхшээлийг ойлгуулахаар Монголын үзэгчдэд хүргэхээр болсон нь энэ. Уг кино нь 1997 онд бүтээгдсэн бөгөөд нийгмийн нэгэн хэсэг болох хөгжлийн бэрхшээлтэй иргэдийн бодит амьдрал дээр тулгуурлан хүүхэлдэйн жанраа хийгдсэн байна. Бүтээлд сонсголын бэрхшээлтэй нэгэн охины амьдралыг өгүүлэх бөгөөд түүний амьдралтай холбоотой олон үйл явдал, гэр бүлд нь тулгарч буй асуудлуудыг хүүрнэхийн зэрэгцээ Самарын үр хэмээх төрийн бус, сайн дурын байгуулга хэрхэн байгуулагдсан талаар гарах юм. Самрын үр байгуулга нь хөгжлийн бэрхшээлтэй иргэдийн хөдөлмөр эрхлэлт, нийгэмд хэрхэн дасан зохицох мөн жирийн хүмүүст хэрхэн хөгжлийн бэрхшээлийн талаар ойлгуулах зэрэг зорилготой байгуулга аж. Өнөөдрийг хүртэл Самрын үр байгуулга үйл ажиллагаа явуулж байгаа юм байна.
