“Хар сарнай” хамтлагийн ахлагч С.С.Амармандах “Би Монгол хүн” нэртэй цомгоо Мобикомоор 100 хувь ивээн тэтгүүлэн фэнүүддээ бэлэг бариад жил гаруй хугацаа өнгөрчээ. Үүний дараа тэрбээр “Харанга”-ын Х.Лхагваа, “Номин талст”-ын Т.Дэлгэрмөрөн нартай хамтран “Мөнх хөх тэнгэр” нэртэй цомгоо хэвлэлтээс авчраад сар гаруй хугацаа өнгөрчээ.
Монголын рэпийн хаан гэгддэг С.С.Амараа сүүлийн хоёр сар гаруйн хугацаанд найр, наадамд завсаргүй уригдаж, шоу цэнгээн нь хэтэрснээс болж төлөвлөсөн телевизийн бичлэг, шоу арга хэмжээ, шинэ цомгийн нээлтэд ирэхгүй, олдохгүй байгаа нь олон хүнийг бачууруулж байна.
Тэгвэл хоёр хоногийн өмнө шинэхэн гэр бүл зохион “Дүнжингарав” хороололд амьдрах болсон тэрбээр мөн л оршин суугчдынхаа хараалыг барж, машины гаражийг таглан дугуй нь хагарсан машинаа авчирч хаячихаад алга болжээ. Энэ мэт жижиг сажиг соёлгүй зан авираасаа болж С.С.Амараа олон хүний дургүйг хүргэсээр байна. Уг нь Монголын рок, попын хөгжилд үнэтэй хувь нэмэр оруулсан, шинэ цагийн залуучуудад үлгэр дууриал болох ёстой МУСТА С.С.Амармандах нэр төрөө бодмоор юм даа.
Г.Баясгалан (www.wikimon.mn)
