Ирэх сарын 29-30-нд арван жилийнхээ ойг UB Palace-ын концертын их танхимд хийхээр бэлтгэл ажилдаа ороод байгаа “Номин талст” хамтлагийнхан Монголынхоо нийт фэнүүдэд зориулж нэгэн сюрприз бэлдээд байгаа аж.
Энэхүү сюрпризийг задлах юм бол одоогоос 16 жилийн өмнө зохиогдсон “Бид” нэртэй дууг тэртээ 15 жилийн өмнө On’n Off продакшн Нийслэлийн гал унтраах ангиас хоёр машин гуйж аван 33 дугаар сургуулийн гадаах талбайд шөнийн цагаар бороо оруулж клипний зургийг авч байсан гэдэг.
Тэгвэл одоо энэ дууг дахин шинэчлэн найруулж, Монголын урлаг, соёлын одод тус хамтлагтай 15 жил хамтарч ажилласан гэдгээ харуулж дууны мөр бүрийг “ам барин” дуулж байгаагаар клипний зургийг авахуулжээ. “Бид” дуу есдүгээр сарын 3-наас эхлэн Монголын бүх телевизүүдээр цацагдах гэнэ.
Н.Нансалмаа (www.wikimon.mn)
