Америкийн Форбес сэтгүүл дэлхийн хамгийн нөлөө бүхий 100 эмэгтэйн жагсаалтыг жил бүр гаргадаг билээ. Энэ жилийн жагсаалтыг Германы Канцлер Ангела Меркел дахин тэргүүлсэн байна. Харин дуучин Леди Гагагийн нэр энэхүү жагсаалтад Английн хатан хаан хоёрдугаар Элизабетаас өмнө бичигджээ.Форбесын энэ жилийн жагсаалтад нэр нь бичигдсэн эмэгтэйчүүдийн ихэнх нь улс төрчид, бизнесменүүд болон хэвлэл мэдээллийн салбарын алдартнууд байна.
Америкийн төрийн нарийн бичгийн дарга Хиллари Клинтон жагсаалтын хоёрдугаарт бичигдсэн бол түүний ард Бразилын ерөнхийлөгч Дилма Руссеф оржээ. Энэ нь жагсаалтын эхний гуравт бичигдсэн эрхмүүд өнгөрсөн жилийнхээс өөрчлөгдөөгүй гэсэн үг юм.
Нөлөө бүхий эмэгтэйчүүдийн жагсаалтад 14-рт бичигдсэн Леди Гага (26-тай) хамгийн залуугаар тодорчээ. Харин хатан хаан Элизабетын нэр 26-д бичигдсэн байна.
Энэтхэгийн ерөнхийлөгч Сониа Ганди жагсаалтын зургаад, Америкийн тэргүүн хатагтай Мишел Обама долоод бичигджээ. Тэгвэл түүний араас ОУВС-гийн тэргүүн Кристин Лагард орсон байна.
Форбесд бичсэнээр салбар салбартаа өөрсдийн нөлөө ул мөрөө үлдээсэн 100 эмэгтэйн дундаж нас нь 55 бөгөөд тэд Твиттер сайтад нийтдээ 90 сая гаруй дагагчтай ажээ.
Жагсаалтыг бүрэн эхээр нь үзэхийг хүсвэл дараах линкээр орно уу.
http://www.forbes.com/power-women.
Э.АМАР
