Монголын хошин урлагийн салбарт хэдийнээ өөрсдийн гэсэн орон зайгаа бий болгож чадсан “Маск” продакшныхан зургаан жилийн ойгоо саяхан тэмдэглэсэн билээ. Намар болж бүх уран бүтээлч хамтлаг продакшны адилаар уран бүтээлийн ажилдаа ханцуй шамлан оржээ. Тэд есдүгээр сарын 17-ноос эхлэн шинэ шоу тоглолт хийхээр төлөвлөжээ. Тус тоглолт нь үзэгчдэдээ барьж буй төрсөн өдрийн бэлэг аж. Үүнээс гадна хамтлагийн уран бүтээлчид мюзикль хийх төлөвлөгөөтэй байгаа гэнэ.
Энэ талаар хамтлагийн тулгын гурван чулууны нэг жүжигчин Заанаа “Манай хамтлагийн залуу уран бүтээлчид дуулж бүжиглэх, жүжиглэх гээд олон талт авъяастай өөрөөр хэлбэл урлагийн "потенциаль" өндөртэй. Тиймээс энэ нөөц бололцоо нь дээрээ түшиглэж мюзикль тавихын зэрэгцээ драмын жүжиг тоглоно” хэмээн ярьжээ.
www.urlag.mn Ayu
