Тэнд өгүүлснээр 37 настай дуучин залуу шоуны зохион байгуулагч нартай дөрвөн сая ам.долларын гэрээ байгуулсан аж. Өнгөрсөн сард дуучин Мариан Кэри жилийн 18 сая ам.долларын гэрээ байгуулж “Америкийн шүтээн”-ий шүүгчээр ажиллахаар болсон юм.
Гэвч Энрике Иглесиас алдартныг хайх шоуны шүүгчээр ажиллахаар болсон тухай өөрөө албан ёсоор мэдэгдээгүй аж. Гэхдээ томоохон хэвлэлүүд дээрх мэдээллийг баттай гэдэгт итгэлтэй байгаа юм.
Энтертайнмент сонин, сэтгүүлд бичсэнээр шоуны шүүгчдийн бүрэлдэхүүнд реппэр Ники Минаж, Австралийн уран бүтээлч Кэйт Урбан, поп дуучин Адам Ламберт нарын нэр яригдаж байна. Ники Минаж саяхан мэдэгдэхдээ “Би энэ талаар ямар ч зүйл сонсоогүй. Гадуур тархсан мэдээнд одоохондоо итгэх шаардлагагүй” гэжээ.
Зарим хэвлэлийн мэдээлснээр дуучин Кэти Перри жилийн 20 сая ам.долларын гэрээ байгуулбал “Америкийн шүтээн”-ий шүүгчээр ажиллахад бэлэн байгаа гэнэ.
Т.Арьяа
