R&B дуучин Крис Браун саяхан Мексикт амралтаа өнгөрүүлж байхдаа хүзүүнийхээ баруун талд шинэ шивээс хийлгэжээ. Гэвч энэ нь түүний хуучин найз охин Рианнагийн хөхөрч, шалбарсан төрх аж.
23 настай дуучин залуу энэ сард Лас Вегаст нэгэн арга хэмжээнд оролцохдоо шинэ шивээсээ тод томруун харуулсан байна. 2009 онд Крис Браун Рианнатай үерхэж байхдаа түүнийг зодож танхайрсан юм. Үүний дараа аймшгийн болсон нүүрний төрхийг нь R&B дуучин хүзүүндээ шивүүлсэн нь энэ аж.
Крис Браун TMZ-д өгсөн ярилцлагадаа “Мексикийн үхэгсдийн баяртай холбогдуулж энэ шивээсийг хийлгэсэн. Энэ бол Рианнаг юм уу, би эмэгтэйчүүдийг ийм эрэмдэг нүүртэй болгоно гэсэн ойлголт биш” гэж тайлбарлажээ.
Ямартай ч түүний шинэ шивээс нь дуучин бүсгүйд тааламжгүй сэтгэгдэл төрүүлэх нь тодорхой. Рианна саяхан өгсөн ярилцлагадаа Крис Браунтай учраа олсон бөгөөд түүнийг маш их хайрлаж байсан тухайгаа ярьжээ.
Т.Арьяа
