Өнгөрсөн сард Америкийн “Parade” сэтгүүл “Yahoo” сайтын харьяа алдартнуудын талаарх хов живийг мэдээлдэг “omg” сайттай хамтран олны дунд санал асуулга явуулж, 2012 оны эхний улирлын олныг цочролд оруулсан дуулиант үйл явдлуудыг тодруулсан байна.
Энэхүү санал асуулгыг санал асуулгад оролцогчдын 50 хувийн саналаар алдарт дуучин Уитни Хьюстоны таалал төгссөн тухай дуулиан тэргүүлжээ.
Дуучин Уитни Хьюстон өнгөрсөн хоёрдугаар сард Лос Анжелес хотын “Беверли Хилтон” зочид буудлын өрөөний угаалгын онгоцондоо таалал төгссөн байдалтай олдсон нь шүтэн бишрэгчдийг нь цочролд оруулсан юм.
Харин удаах байранд 21 хувийн саналаар "Twilight" киноны од жүжигчин Кристен Стюартын урвалт, хууралт оржээ. Жүжигчин Кристен Стюарт өнгөрөгч сард найз залуу жүжигчин Роберт Паттенсоныг хуурч, “Цасангуа анчин хоёр” киноны найруулагч Руперт Сандерс гэгч гэр бүлтэй эртэй нэр холбогдсон билээ.
Түүний араас Холливуудын сайхан хосууд гэгдэж байсан Том Круз болон Кэти Холмс нарын салалт 14 хувийн саналаар оржээ. Жүжигчин Кэти Холмс, Том Круз нар өнгөрөгч зургадугаар сард салах болсноо олонд зарлан дараа сард нь албан ёсоор гэрлэлтээ цуцлуулсанаар олныг шуугиулсан том дуулиан болсон юм.
Мөн Америкийн телевизийн «Jersey Shore» реалити шоуны од Снукигийн жирэмсэн гэдгээ зарласан явдал зургаан хувийн саналаар олныг цоцролд оруулсан дуулианд оржээ.
Харин тавдугаарт Америкийн сэтгүүлч, зохиолч, “CNN” агентлагийн “Anderson Cooper 360°” шоуны хөтлөгч Андерсон Куперийн ижил хүйстэн гэдгээ зарласан тухай дуулиан орсон байна. Түүний араас Америкийн телевиз киноны жүжигчин Дэми Мурын албадан эмчилгээ болон Холливуудын алдарт жүжигчин хос Брэд Питт Анжелина, Жоли нарын сүй тавьсан тухай дуулианууд гурван хувийн санал авчээ.
Б.АНХТУЯА
