Попын хаан Майкл Жексон агсны охин 14 настай Пэрис Жексон ирэх аравдугаар сарын “Glamour” сэтгүүлд ярилцлага өгсөн байна.
“Аавдаа үнэхээр их хайртай байсан. Аавынхаа охин гэдгээрээ бахархдаг. Гэхдээ хүмүүс намайг Майкл Жексоны охин гэж ярихад би дургүй. Намайг Пэрис Жексон нэрээр минь мэддэг болоосой гэж би хүсдэг” гэж ярих охин жүжигчин болохыг мөрөөддөг гэнэ. Харин Жексоны гэр бүлийн гишүүд шоу-бизнест орох юм бол хүүхэд насаа мэдрэхгүй гэж хэлдэг байна.
Дунд сургуульд хамт сурдаг ангийнхан нь Пэрис охины гадаад төрхийг нь шоолдог гэнэ. Харин Пэрис охин хэнийг ч гомдоохыг хүсдэггүй хэмээн хэлсэн бөгөөд хүүхдүүд өөрийг нь шоолохыг тоохгүй өнгөрөөхийг хичээдэг гэжээ. “Зарим хүүхдүүд алдар нэртэй байна уу, юу гэж боддог байна уу надад хамаагүй ээ” гэж ярих Пэрис охин өөрийг чинь гомдоох гээд байгаа хүмүүсийг битгий тоо хэмээн зөвлөсөн гэнэ.
М.ДАВАА
 |
 |
