Дэлхий нийтийг хамарсан “Зуун мянган яруу найрагч өөрчлөлтийн төлөө” /100 Thousand Poets for Change/ нэртэй яруу найргийн томоохон үйл явдал өнөөдөр дэлхий даяар өрнөж байна. Дэлхийн олон улс орныг хамарсан энэ хөдөлгөөнийг АНУ-ын яруу найрагч Мишейл Ротенберг, Терри Карроион нар санаачилсан аж.
Өнөөдөр дэлхийн 106 оронд зэрэг болж буй тус яруу найрагчдын уншлага Монголд ч мөн үргэлжилж байгаа юм. Тухайлбал, Монгол Улсын Боловсролын их сургууль дээр яруу найрагчдын уншлага эхлээд байна. Г.Мэнд-Ооёо, Г.Мөнхцэцэг, Дарь.Сүхбаатар, Л.Нямаа, О.Цэнд-Аюуш зэрэг найрагчид МУБИС-ийн уншлагад оролцож байна. Сүхбаатар аймгийн “Жаахан шарга” театрт уг уншлага мөн болж байгаа бөгөөд яруу найрагч Б.Амартайван, Ай.Төмөр-Очир нарын найрагчид уригджээ.
www.urlag.mn Ayu
