ОХУ-ын “Большой театр” Европт төдийгүй дэлхийд суу алдраа гайхуулсан сүрлэг театр билээ. Тэгвэл хүн ам цөөтэй ч сонгодог урлаг нь өндөрт мандаж яваа манай улсад Их театрынхан хүрэлцэн ирэхээр болжээ. ДБЭТ-ын захирал Б.Сэргэлэн, Соёл, спорт, аялал жуулчлалын яамныхан тэднийг эх орондоо урьж, тоглуулах санал хэдийнэ тавьсан бөгөөд ОХУ-ын театрынхан хүлээж авсан сурагтай. Улмаар ирэх сарын 2-нд Улаанбаатар ирж, балетийн тоглолт үзүүлэхээр зэхэж буй аж. Тэдний зүгээс 10 гаруй балетчинтай Монголыг зорих юм байна.Өвөл цагийн нээлтээ хийгээд удаагүй байгаа ДБЭТ-ын ээлжит бэлэг нь энэ байх нь гарцаагүй.
