Дэлхийн супер оддын нэг “Grammy” наадмын найман удаагийн шагналт, Их Британийн алдарт дуучин Адель өнгөрсөн бямба гаригт амаржиж, хүүтэй болжээ. Эх сурвалжийн мэдээлсэнээр ээж, хүү хоёрын бие сайн байгаа бөгөөд Адель болон түүний найз залуу Саймон Конеки нар хүүтэй болсондоо туйлын баяртай байгаа гэнэ. Мөн дуучин Адель амаржсаныхаа дараа “Би цаашдаа сайн ээж, сайн эхнэр байхын тулд хичээх болно.” гэж хэлжээ.
Аделийн хувьд энэ хүүхэд нь анхных бол найз залуугийнх нь хувьд хоёр дахь хүүхэд юм байна. Саймон Конеки өмнөх эхнэр Клари Фишерээсээ таван настай хүүтэй аж. Дуучин Адель ээж болох гэж буйгаа удаан хугацаанд нууцалж байсан ч өнгөрсөн долдугаар сард хөл хүнд болсноо албан ёсоор олонд зарласан юм. Мөн Адель амаржихаасаа хэдхэн долоо хоногийн өмнө "Skyfall" хэмээх Жеймс Бондын шинэ цувралын дууг дуулсан нь хит болоод байгаа юм.
www.urlag.mn Ayu
