Нэгэн үе залуусын зүрх сэтгэлийг эзэмдэж хайрын дуучин хэмээгдэж явсан дуучин Сэрчмаа өөрийнхөө амьдралаас сэдэвлэн бүтээсэн киногоо тун удахгүй үзэгчдийн хүртээл болгох гэж байгаа гэнэ. Тэрээр уран бүтээлч, олны танил хүний хувьд сайн, муу хэл аманд байнга л өртөж явдаг нэгэн. Ялангуяа урд хөршийн өвөрлөгч эртэй дэр нэгтгэснээр залуусын хэл, амны гол бай нь болж байсан гэхэд болно. Удалгүй Сэрчмаа хүүхэдтэй болж нөхрөөсөө салан эх нутагтаа эргэн ирсэн тухай хэвлэл мэдээллээр цацагдаж дуучин бүсгүй маань нэг хэсэг бяцхан охинтойгоо шар мэдээний гол дүр болж байсан. Энэ бүх эрээнтэй, бараантай амьдралынхаа үнэн зөвийг өгүүлсэн кино бүтээл хийж байгаа гэнэ.
Дууучин бүсгүй маань хэлэхдээ: Шинэ он гаргаад нээлтээ хийхээр төлөвлөөд байна. БНХАУ, Шанхай, ХНБГУ-ын баг болон манай “Sally’s” продакшн гээд гурван улсын хамтарсан кино хийсэн байгаа. Тиймээс би маш сайн, чанартай уран бүтээл болсон гэдэгт найдаж байгаа. Би өөрөө гол дүрд нь тоглосон. Мөн УДЭТ-ын авьяаслаг жүжигчид болон БНХАУ-ын жүжигчид тоглосон. Удахгүй киноныхоо soundtrack, трэлейрыг дэлгэх болно хэмээжээ.
