Askmen эрчүүдийн сэтгүүлээс Дэлхийн хамгийн дур өдөөм бүсгүйгээр нэрлэгдсэн жүжигчин Женнифер Лоуренс шууд нэвтрүүлгийн камерын өмнө хормойндоо орооцолдон. гуя нь ил гарахад ихэд сандарчээ. 22 настай жүжигчин бүсгүй олон од цугласан ёслолын ажиллагаанд Кристиан Диорийн хар хөх өнгийн газар шүргэсэн даашинзаар гоёсон байж. Түүнийг шилдэг эмэгтэй жүжигчнээр шалгаруулсан тухай зарлахад Лоуренс бага зэрэг балмагдан, тайз руу яаравчлан алхахдаа урт хормойдоо орооцолдон олны өмнө гуя хасаа ил гаргачихжээ. Үүнийг ажсан Николь Кидман, Марийон Котийяр нар өмнөөс нь сэтгэл өвдөж буй нь камерт туссан байна. Женнифер хэдийгээр бага зэрэг “факталсан” ч гэсэн тэр даруй сэргэж, тайзнаа хурдхан гарч шагналаа авсан юм. Гэлээ ч энэ явдал залуу бүсгүйг дахиад улаан хивсний ёслолд урт даашинзтай ирэхээргүй болгосон хэмээн Барууны хэвлэлээр бичсэн байна.
Р.Гэгээ
