Зууны манлай эстрадын дуучин МУГЖ Б.Сарантуяа өнөөдөр 12:00 цагаас Чин Ван Ханддоржын өргөөнд сэтгүүлчдийг үдийн зоогонд урьж энгийн сайхан нөхөрсөг уулзалт зохион байгуулж илэн далангүй яриа хөөрөө өрнүүлэн сүүлийн үеийн шинэ сонин мэдээ мэдээллийг хүргэсэн юм. Түүний уулзалтын зорилго болсон мэдээллүүд нь ирэх сарын 10-нд Сөүлийн “Сэнон”-нд бүрэн хэмжээний тоглолт, Э.Чойдогийн “Миний сайхан ээж” дууг дуулсан талаархи мэдээллүүд байсан юм. Тэрээр өнгөрсөн жил Америк, Казакстанд дахь монголчууддаа зориулан хүргэсэн “Аргагүй монгол аялгуу” тоглолтоо “Хадгаламж” банкны хүсэлтээр БНСУ-д байгаа монголчууддаа толилуулахаар болжээ.
Түүний БНСУ-д болох тоглолтонд ҮДБЭЧ-ын бүжигчид, Улсын Филармонийн дуучин Л.Насанбуян нар оролцох юм байна. Мөн нийгмийн сайн сайхны төлөөх хүмүүнлэгийн ажилд идэвхитэй оролцдог поп хадагтай Сөүлийн “Сэнон”-нд болох тоглолтын үеэрээ мөн л энэрэнгүй сэтгэлээр азтай үзэгчдийг тодруулан Хадгаламж” банкны 1 сая төгрөгийн хадгаламж нээлгэх эрх 1 хүн, 500.000 төгрөгийн хадгаламж нээлгэх эрх 2 хүн, 300.000 төгрөгийн хадгаламж нээлгэх эрх 2 хүн, “Galaxy note” гар утас 1 хүнд тус тус бэлэг болгон өгөхөөр болжээ.
Түүнчлэн Э.Чойдогийн “Миний сайхан ээж” дууг нь Д.Чинбат шинэчлэн найруулж “White art” студид бичүүлэн дүрсжүүлсэнээ монголын бүх ээжүүдэд болон өөрийнхөө ээжид бэлэг барин золгож байгаа ажээ.
Та бүхнийг урлагийн тэнгэр ивээг…
www.URLAG.mn
