Монголын загварын ертөнцийн хамгийн сайхан, үлгэр жишээ хос болох Э.Эрдэнэцогт, С.Төгсөө нар бяцхан үрээ хорвоод угтан авчээ. Загвар өмсөгч С.Төгсөө өчигдөр буюу нэгдүгээр сарын 30-ны өдөр нярайлж, хөөрхөн үрээ хорвоод төрүүлжээ.Хайртыгаа хамгийн аз жаргалтай залуу болгож өгсөнд нь баярласан Э.Эрдэнэцогт өчигдөр өөрийн фэйсбүүк хуудсанд "Намайг хорвоо дэлхийн хамгийн аз жаргалтай залуу болгож байгаа бүсгүйд баярлалаа… Хайрт минь хоёулаа ингээд гурвуулаа боллоо, Тиймээ. Би энэ хорвоогийн хамгийн азтай, хамгийн баян залуу" хэмээн сэтгэгдлээ бичсэн байна. Түүний энэхүү сэтгэл хөдөлгөсөн мэдээг сонссон фэйсбүүк найзууд нь түүнд, түүний үзэсгэлэнт эхнэрт баяр хүргэсэн мэндчилгээг олон арваар нь илгээж, 640 гаруй хүн таалагдсанаа илэрхийлсэн байв.Э.Эрдэнэцогтын хувьд нэлээд нээлттэй бас их идэвхтэй нэгэн. Тийм ч учраас баярлаж, догдолсон сэтгэлээ ийнхүү фэйсбүүк найзуудтайгаа хуваалцсан бололтой.Дашрамд өгүүлэхэд, Э.Эрдэнэцогт, С.Төгсөө хоёр маань манай сэтгүүлийн хуудсыг халуухан, гоёмсог зургуудаараа амилуулж байсныг Космочууд та бүхэн санаж байгаа биз дээ. Аз жаргалтай хосдоо алаг үртэй болсонд нь ахин дахин баяр хүргэе.
Эх сурвалж: cosmopolitan.mn
