Эрхэмсэг ялдам аашийн тань өмнө
Эгэлгүй тансаг үзэсгэлэн гоогийн тань өмнө
Энэрэлт агуу хайрын тань өмнө МЭХИЙН ЁСОЛЪЁ…
"Цэцгэнд төөрсөн эрвээхэй", "Бодлын бороо", "Цаг мөнхийн хайр", "Зангаараа амраг" зэрэг нийтийн дуунуудаар ард түмэндээ хүрсэн МУСТА, Дуучин Л.Чулуунбаатар 2 дахь бие даасан тоглолтоо Олон улсын эмэгтэйчүүдын баярын өдрийг тохиолдуулан тоглохоор болжээ. Энэхүү тоглолтоо "Тандаа мэхийн ёсолъё" баярын тоглолт хэмээн тодотгож 2013 оны 03-р сарын 06-нд 19:00 цагаас UB PALACE-ийн концертийн их танхимд ганцхан удаа тоглох гэж байна.
Тоглолтонд ДБЭТ-ын дэргэдэх "Мемори Поп Оркестр", ҮДБЭЧ-ын "Хөсөгтөн" хамтлаг, МУГЖ Дуучин Х.Болормаа, МУСТА, дуучин Д.Хишигбаяр, Р.Дэлгэрмаа, Э.Оюумаа, Г.Эрдэнэтунгалаг нар дуучин Л.Чулуунбаатартай хамт мэхийн ёслох болно. Дуучин Л.Чулуунбаатарын ард түмний сайн мэдэх хит дуунууд энэхүү тоглолтонд дуулагдахаас гадна тайз дэлгэцийн сонирхолтой хослолыг тоглолтоос олж харах нь ээ. Дуучин Л.Чулуунбаатарын хувьд анхны бие даасан тоглолтоо 2005 онд Цэцгэнд төөрсөн эрвээхэй нэртэйгээр тоглож байсан бөгөөд 8 жилийн дараа ийнхүү 2 дахь бие даасан тоглолтоо ард түмэндээ хүндэтгэл үзүүлэн тоглох гэж байна.
Дэлгэрэнгүй мэдээллийг: 9909-4304, 9711-1122
Та бүхнийг урлагийн тэнгэр ивээг…
www.URLAG.mn
www.URLAG.mn
