Анхлан "Boomtown" хамтлагаас уран бүтээлийн гараагаа эхлүүлж өдгөө УДЭТ-ын жүжигчнээр ажиллаж тайз дэлгэцийн олон гайхалтай уран бүтээлүүдэд дүрээ мөнхөлж яваа залуу уран бүтээлч Б.Тамирын найруулагчаар нь ажилласан анхны богино хэмжээний кино болох "Амингоо" үзэгчдийн хүртээл боллоо.
"Fantastic" продакшн, F-studio-ын хамтран бүтээсэн тус киноны Зохиолчоор Т.Цэгцүжин, Зураглаачаар Ц.Амартүвшин, Зураачаар А.Дөлгөөн, Гэрэлтүүлэгчээр Р.Сүхболд, Дууны найруулагчаар Г.Лхагвацэрэн, Нүүр хувиргагчаар Ж.Болормаа нар ажилласан аж. Мөн дүрүүдэд МУГЖ С.Дамдин, МУСТА Ц.Цэрэнболд, МУСТА Н.Ялалт жүжигчин Д.Ганцэцэг, Б.Эгшиглэн нар тоглосон байна.
Дашрамд дуулгахад жүжигчин Б.Тамир "Сүүлчийн бүжиг" хэмээх уран сайхны киноны гол дүрийг чадварлагаар бүтээж байсан бөгөөд “Гэгээн Муза 2010” наадмаас драмын жүжгийн төрөлд “шилдэг эрэгтэй туслах дүр” номинацид нэр дэвшиж алтан цомын эзэн болж байсан авъяаслаг нэгэн билээ.
Б.Тамирын "Амингоо" богино хэмжээний киног та бүхэндээ толилуулж байна.
Та бүхнийг урлагийн тэнгэр ивээг…
www.URLAG.mn
