Дэлхий даяар этгээд сонин бүжиг, элдэвтэй гэмээр дуулалтаараа хэний ч төсөөлөмгүй амжилтад хүрсэн Өмнөд Солонгосын реппер PSY-ын “Gangnam Style” дууг онлайнаар 1,2 тэрбум гаруй хүн үзсэн тухай өнгөрсөн оны 10 дугаар сард манай сайтаас мэдээлж байсан билээ. “Youtube” сайтын үзэгчдийн тоогоор Гиннесийн дээд амжилт тогтоогоод буй энэ дууг өнөөдрийн байдлаар /1,463,976,342/ буюу 1.4 тэрбум гаруй хүн үзсэн байна.
Тэгвэл дэлхий даяар тэрбум гаруй хүнийг байлдан дагуулсаар байгаа “Gangnam Style” Монголоос гаралтай гэдгийг нотлон харуулсан нэгэн зургийг уншигч танд толилуулж байна.
Уг зургийг тэртээх 1986 онд Улаанбаатар хотын Налайх дүүргийн "Уурхайчин" соёлын ордоноос зохион байгуулсан Орос, Монголын хамтарсан мэргэжилтнүүдийн дунд зохион байгуулсан урлагийн их наадмын үеэр авсан ажээ. Ийнхүү дэлхий даяар гайхагдсан урлагийн олон төрлүүд Монголоос гаралтай байдгийн тод илрэл нь PSY-ын “Gangnam Style” байлаа.
www.URLAG.mn
