Хийлч О.Байгаль, төгөлдөр хуурч Б.Оюу нарын хамтарсан “Best of classics” тоглолт Central tower-ийн “Монет” ресторанд энэ сарын 30-нд болох гэж байгаа билээ. Тэд “Монет” рестораныг сонгосон бөгөөд цөөн тооны үзэгчдэд сонгодог хөгжмийн аялгуун дор тансаг үдшийг мэдрүүлэхээр энэхүү тоглолтоо хийхээр зорьжээ.
Уг тоглолтод уран бүтээлчид маань Фредерик Шопен, Александр Скрябин, Камиль Сен-Санс, Г.Венявский, П.Чайковский зэрэг дэлхийн алдартай хөгжмийн зохиолчдын бүтээлээс тоглохоос гадна Н.Жанцанноров, Ж.Чулуун, С.Гончигсумлаа зэрэг Монголын хөгжмийн зохиолчдын чихэнд хоногшиж, сэтгэлд шингэсэн дуунууд болон Ханс Зиммер, Эннио Моррикон нарын дэлхийд алдартай киноны хөгжмүүдийг хөгжмийн найруулагч Б.Анарын хийл, төгөлдөр хурт зориулсан найруулгаар тоглох ажээ.
Уран бүтээлчид тоглолтыг үзэхээр ирэх зочдыг гоёлын даашинз, эрвээхэй зангиагаар гоёхыг санал болгож байгаа бөгөөд оройн тансаг зоог багтсан тоглолтын тасалбар 120 мянган төгрөгөөр худалдаалагдаж байгаа гэнэ.
Та бүхнийг урлагийн тэнгэр ивээг…
www.URLAG.mn
