Дуучин Рианна Даллас болон Хьюстонд тоглох байсан “Diamonds World” аялан тоглолтоо цуцлах болсонд фэнүүдээсээ албан ёсоор уучлалт гуйсан. Учир нь Рианнагийн тоглолтын багийн төлөөлөгчдийн мэдээлснээр нэрт дуучин залгиур хоолойн үрэвслийн улмаас аргагүйн эрхэнд дээрх тоглолтуудаа цуцалсан байна. Тэрээр даваа гаригт Даллас хотод, мягмар гаригт Хьюстоны фэнүүддээ уран бүтээлээ хүргэх байсан аж.Түүнийг ийнхүү тоглолтоо цуцлах болсонд фэнүүд нь сэтгэл дундуур байгаагаа албан ёсны цахим хуудсуудад нь илгээсээр байгаа аж. Түүнчлэн Рианнаг өнгөрөгч долоо хоногийн эхээр BFF-ийн үдэшлэгт оролцоход түүний бүх зүйл хэвийн байсан хэмээн зарим эх сурвалжууд энэ үеэр мэдээлсэн бол зарим нь Рианнаг өвдөөгүй, харин Крис Браунаас хүүхэдтэй болсон гэх мэтээр янз бүрийн мэдээлэл тархаад байгаа гэнэ.
www.URLAG.mn
