Японы мэргэжлийн сүмо бөхийн "Нацү башёд" өчигдөр өндөрлөж, ёкозүна Хакухо М.Даваажаргал үнэмлэхүй амжилт гаргаж 15 даван түрүүллээ. Тэрбээр хоёр башё дараалан нэг ч өвдөг шороодсонгүй. Мөн нийтдээ 10 башёд нэг ч унаагүй гэх түүхэн амжилтын эзэн болоод байна.
Башёгийн сүүлийн өдөр озэки Кисеносато 13 даваа, нэг унаатай байсан. Хэрэв өрсөлдөгч Котошогикүг давсан бол Хакухо М.Даваажаргал, Харүмафүжи Д.Бямбадорж нарын барилдаанаас хамаар ч дахин нэг барилдаан хийх байлаа. Гэвч тэрбээр өрсөлдөгч Котошогикүд ёри кири мэхээр дийлдэж, башёг 13-н даваа хоёр унаатай өндөрлүүллээ. Харин нацу башёд аваргалсан Хакухо М.Даваажаргал ёкозүна Харүмафүжи Д.Бямбадоржийг төвөггүй давснаар 25 дахь удаа Японы мэргэжлийн сүмод түрүүлж, ёкозүна Асашёорюү Д.Дагвадоржийн амжилттай эн зэрэгцэж ирлээ. Хакухо аварга цаашид Д.Дагвадоржийн амжилтыг эвдэж, Японы мэргэжлийн сүмод шинэ рекордын эзнээр тодрох боломжтой.
www.URLAG.mn
